كُل اللي نفسك فيه .. بس بطريقة صحية

في موضوعي ده هقدم وجبات بس بطريقة صحية

بحيث إن كل أصناف الأكل تكون متوفرة
وناكل منها براحتنا
بس تتعمل بطريقة صحية

لان كلنا عارفين ان معظم الاكل اللى بنعمله بيكون مش صحى
وبيضر الجسم

من ملح كتير(الللى بيجيب الضغط)..ده غير الدهون والشحومات(وسلملى على الكوليسترول)

فان شاء الله الموضوع ده هيتولى تحضير الاكلات بشكل صحى
وتلاقوا:::
المقادير ..
والطريقة ...
وممكن كمان الموضوع يكون مدعم بالصور

فتابعونا

مع اول طبق معانا النهاردة
........
مكرونة بالبشاميل خفيفة (دايت)

المقادير :
مكرونه
لبن خالى الدسم
بصل
لحم مفروم
بيضتين
دقيق
زيت زيتون

الطريقه :
1. سلق المكرونه
2 . تحضير البشاميل وهو وضع زيت الزيتون وبعدها الدقيق وتقليبهم وبعدها وضع اللبن وتزويده ببعض المياة البارده
3 . تحضير اللحمه المفرومه وهوتشويح البصله بدون زيت فى طاسة حاميه جداااااا مع اى اضافات وبعض ان تصفر قليلا نضع اللحمه المفرومه ونضع البهارات وقليل من الملح ونهدى النار ونغطيها حتى تستوى على نار هادئه .
4.تجهيز صينيه او طاجن ووضع بعض المكرونه وبعد ذالك طبقه من اللحمه المفرومه ووضع الباقى من المكرونه ووضع البشاميل فوقهم ووضع البيضه مع قليل من الملح والفلفل الاسمر فوقهم وبعد ذالك وضعهم فى الفرن

فى شويه حاجات عايزة اقولها بالنسبة للمكرونة::
1/ ممكن نستخدم مكرونة دايت (بس مكتوب على العبوة بتاعتها لمرضى السكر)ودى نسبة البروتينات فيها اكبر من نسبة النشويات..وده هيفيد ف تقليل السعرات الحراريه.
2/بلاش نكتر من زيت الزيتون ..مع انه صحى جدا لكنه بردو غنى بالكالوريز.
3/ياريت مانكترش الملح اوى ..وبلاش نسلق المكرونة مع الملح..مش هتفرق خالص على فكرة